Ek tum kahaani, ek main kahaani
Ek yeh kahaani, ek woh kahaani
Khud mein samete hue
chal rahi hain hazaaron kahaani

Yahan roz takraati hain kai kahaaniyaan kahaniyon se,
Kisi ki bigadti hai, kisi ki sanwarti hai kahaani,
ek doosre ke kisso ka hissa banti
Ek tum kahaani, ek main kahaani

Kuch kahaani hum likhen, kuch kahaani uparwala.
Har mukaam pe aati aur guzar jaati ye kahaani.
khoobsurat haadson se bhari
Ek tum kahaani, ek main kahaani

Kuch apnon se, kuch apnon ke pyaar se,
Aur kuch waqt se poori hoti hai kahaani
Aur har kahaani ko apna bana lete
Ek tum kahaani, ek main kahaani

Har kirdaar ka sabr, har kirdaar ka shukr, Har kidaar ke safar se buni hoti hai kahaani
Khud ki likhte likhte kab kisi aur ke ban jaate hain
Ek tum kahaani, ek main kahaani

– MissBalance (Jiyana Jethani)